Zohr – Stærsta gasauðlind Miðjarðarhafs
Heimild:
.
Ágúst 2015
Ítalski orkurisinn Eni tilkynnti í dag að fyrirtækið hefði fundið stærstu gasauðlind Miðjarðarhafsins, í lögsögu Egyptalands. Fundurinn var staðfestur af olíuráðuneyti Egyptalands, en talið er að um sé að ræða 850 milljarða rúmmetra af gasi á 100 ferkílómetra svæði.
![Mynd með færslu A part of the newly inaugurated Arab Gas Pipeline Project is seen near the Egyptian town of Taba, Sunday 27 July 2003, where Egyptian President Hosni Mubarak and Jordan's King Abdullah open the first phase of the pipeline that will eventually carry](https://i0.wp.com/www.ruv.is/sites/default/files/styles/1000x563/public/fr_20150830_021959.jpg?resize=362%2C204)
Gasleiðsla í Taba í Egyptalandi. Mynd: EPA
Í tilkynningu frá Eni kemur fram að um sé að ræða stærstu gasauðlind sem fundist hefur á Egyptalandi og mögulega í heiminum. Talið er að lindin muni mæta gasþörfum Egypta um áratugi.
Hún er staðsett á 1.450 metra dýpi á svæði sem kallast Shorouk Block. Samkvæmt tilkynningunni mun Eni umsvifalaust ráðast í að láta meta svæðið með það í huga að hefja vinnslu. Var rætt um fjögur ár í því sambandi.
Stjórnarformaður Eni, Claudio Descalzi, hefur átt fundi með Abdel Fattah al-Sisi, forseta Egyptalands, og forsætisráðherranum Ibrahim Mahlab, og segir að hinn „sögulegi“ fundur muni gjörbylta stöðu orkumála í landinu.
Descalzi hafa borist skilaboð frá Matteo Renzi, þar sem forsætisráðherrann ítalski óskar fyrirtækinu til hamingju með hinn „ótrúlega“ fund.
Sérfræðingar segja fundinn setja strik í reikninginn hjá Ísraelsmönnum, sem höfðu ráðgert að flytja út gas til Egyptalands.