Eldvarnarteppi – Hagnýtir punktar
Grein/Linkur: Eldvarnarteppi
Höfundur: Mannvirkjastofnun
Heimild: 
.
Hagnýtir punktar um eldvarnarteppi
.
Eldvarnarteppi
Eldvarnateppi hafa margsannað gildi sitt og ættu að vera á öllum heimilum. Ef upp kemur eldur við eldamennsku eða ef kviknað hefur í fatnaði einstaklings er mikilvægt að geta gripið í eldvarnarteppið – það ætti því að vera staðsett á sýnilegum og aðgengilegum stað, þó ekki of nærri eldunarstað, komi upp eldur, því þá getur reynst erfitt að ná í eldvarnarteppið. Vertu ELDKLÁR og vertu með eldvarnarteppi á þínu heimili!
Hvernig á að nota eldvarnarteppi?
- Kippið í borðana tvo sem standa út úr kassanum sem inniheldur eldvarnarteppið – með því náið þið teppinu út
- Haldið um borðana og snúið hálfhring upp á teppið – eigið öryggi skiptir höfuðmáli en með þessum hætti er betur hægt að verjast hitanum
- Leggið teppið og þéttið eins og mögulegt er þar til eldurinn hefur slokknað
- Það getur tekið nokkrar mínútur að kæfa eldinn með þessum hætti og því mikilvægt að gefa teppinu tíma til að vinna á eldinum
- Reynið ekki að fara út með logandi pott eða pönnu – slíkt skapar meiri hættu
- Ef hægt er, slökkvið undir hellunni og dragið pott eða pönnu varlega af hellunni (sé helluborðið slétt)
- Hafið teppi á pottinum eða pönnunni þangað til slökkviliðið kemur
Af hverju eldvarnarteppi frekar en vatn?
- Alls ekki reyna að slökkva eldinn með vatni, sérstaklega ekki ef um olíu/feiti er að ræða þar sem slíkt getur valdið sprengingu
- Vatn og olía eiga enga samleið þegar eldur er til staðar
Hvenær á að nota eldvarnarteppi?
- Ef upp kemur eldur í potti eða pönnu við eldamennsku, t.d. í olíu eða feiti
- Ef upp kemur eldur í fatnaði eða smærri hlutum
Er eldvarnarteppið rétt staðsett?
- Eldvarnarteppið er staðsett í eldhúsinu sjálfu
- Búið er að hengja eldvarnarteppið upp
- Mikilvægt er að eldvarnarteppið sé ekki of nálægt eldavél – ef eldur kemur upp getur reynst erfitt eða jafnvel ómögulegt að nálgast teppið og nota það
- Eldvarnarteppið er vel sýnilegt á vegg og helst nálægt eldhúsdyrum
- Heimilisfólk er meðvitað um hvar eldvarnarteppið er staðsett ásamt því hvenær og hvernig nota skal teppið
Hvernig á að nota eldvarnarteppi í eldhúsinu?
- Kippið í borðana tvo sem standa út úr kassanum sem inniheldur eldvarnarteppið – með því náið þið teppinu út
- Haldið um borðana og snúið hálfhring upp á teppið – eigið öryggi skiptir höfuðmáli en með þessum hætti er betur hægt að verjast hitanum
- Leggið teppið og þéttið eins og mögulegt er þar til eldurinn hefur slokknað
- Það getur tekið nokkrar mínútur að kæfa eldinn með þessum hætti og því mikilvægt að gefa teppinu tíma til að vinna á eldinum
- Reynið ekki að fara út með logandi pott eða pönnu – slíkt skapar meiri hættu
- Ef hægt er, slökkvið undir hellunni og dragið pott eða pönnu varlega af hellunni (sé helluborðið slétt)
- Hafið teppi á pottinum eða pönnunni þangað til slökkviliðið kemur
Hvernig á að nota eldvarnarteppi á smærri hluti og fatnað fólks?
- Kippið í borðana tvo sem standa út úr kassanum sem inniheldur eldvarnarteppið, en með því náið þið teppinu út
- Haldið um borðana og snúið hálfhring upp á teppið – eigið öryggi skiptir höfuðmáli en með þessum hætti er betur hægt að verjast hitanum
- Ef reynt er að slökkva eld í smáum hlut, t.d. bók eða bangsa er teppinu vafið eins vel um hlutinn og kostur er
- Það getur tekið nokkrar mínútur að kæfa eldinn og því mikilvægt að gefa teppinu tíma til að vinna á eldinum
Virkni eldvarnateppa
Eldvarnarteppi útilokar súrefni frá eldinum sjálfum – en eldur nærist á súrefni. Með því að koma eldvarnarteppi yfir eldinn og þétta vel þá útilokum við að súrefni berist í eldinn og með þeim hætti kæfum við eldinn.
