Háskólann í Reykjavík – 390 stúdentaíbúðir
![](https://i0.wp.com/reykjavik.is/sites/default/files/styles/frettamynd/public/myndir_frettir/frettamyndir_2014_febjuli/ari_og_dagur.jpg?resize=355%2C236)
Ari Kristinn Jónsson, rektor HR og Dagur B. Eggertsson, borgarstjóri skrifuðu undir samkomulagið
Maí 2017
Stefnt er að því að framkvæmdir hefjist við byggingu 112 stúdentaíbúða í fyrsta áfanga Háskólagarða Háskólans í Reykjavík í haust og að íbúðirnar verði tilbúnar sumarið 2019, samkvæmt samkomulagi sem Dagur B. Eggertsson, borgarstjóri og Ari Kristinn Jónsson, rektor HR, hafa skrifað undir.
Íbúðirnar verða byggðar á grundvelli stofnframlags frá Íbúðalánasjóði og Reykjavíkurborg, sem er liður í aðgerðum borgarinnar og ríkisins til að auðvelda og hraða uppbyggingu hentugs húsnæðis fyrir stúdenta.
Í nýju deiliskipulagi á lóð HR við Öskjuhlíð er nú gert ráð fyrir byggingu 390 íbúða í stað 350 áður. Íbúðunum er ætlað að bæta úr brýnni þörf nemenda HR á íbúðarhúsnæði. Hluti íbúðanna mun einnig nýtast til leigu og tímabundinnar búsetu fyrir starfsfólk HR og starfsfólk fyrirtækja sem starfa innan HR og önnur þekkingarfyrirtæki sem tengjast háskólanum.
![](https://i0.wp.com/reykjavik.is/sites/default/files/styles/frettamynd/public/myndir_frettir/frettamyndir_2014_febjuli/haskolagardar_yfirlitsmynd.jpg?resize=800%2C533)
Yfirlitsmynd yfir háskólagarðana nýju. Gert er ráð fyrir 390 íbúðum samkvæmt deiliskipulagi
![](https://i0.wp.com/reykjavik.is/sites/default/files/styles/frettamynd/public/myndir_frettir/frettamyndir_2014_febjuli/hr_asynd_fra_oskjuhlid_kanon.jpg?resize=800%2C533)
Ásýnd háskólagarðanna samkvæmt teikningu Kanon arkitekta