Hvað er eðlileg notkun á heitu vatni
Grein/Linkur: Eðlileg notkun á heitu vatni?
Höfundur: Norðurorka
Heimild: 
.
Mynd: Freepik
.
September 2024
Eðlileg notkun á heitu vatni?
Nú er farið að grána í fjöllum og kólna í veðri og fólk því eðilega farið að kynda meira í kringum sig. Almennt séð er í kringum 90% af árlegri notkun á heitu vatni vegna húshitunar á meðan í kringum 10% er vegna annarrar notkunar eins og að fara í bað, sturtu og þrífa.
Til að áætla hvort notkun sé eðlileg getur verið gott að skoða notkunarstuðul húsnæðis. Stuðullinn táknar tonn af vatni á hvern rúmmetra í húsi á ári. Til að finna rúmmál húsnæðis er hægt að margfalda fermetrafjölda með stuðlinum 3,3.
Dæmi:
130 m2 raðhúsíbúð notar 600 m3 af heitu vatni.
Stærð húsnæðis í m3 er 3,3 x 130 m2 = 429 m3.
Því er notkunarstuðulinn 600 / 429 = 1,4.
Tegund eignar – notkunarstuðull
- Stórt fjölbýlishús – 1,0 til 1,5
- Minni fjölbýlishús – 1,1 – 1,6
- Einbýlishús – 1,2 – 1,9
- Verslunarhúsnæði – 0,6 – 0,9
- Skrifstofuhúsnæði – 0,5 – 0,9
- Iðnaðarhúsnæði – 0,4 – 1,1
- Lagerhúsnæði – 0,3 – 0,9
Í dæminu hér fyrir ofan er notkunarstuðullinn innan marka og telst heitavatnsnotkunin því vera eðlileg.
