Orkustríð 2022 – Skrúfað frá olíu, skrúfað fyrir gasið
Grein/Linkur: Olía flæðir frá rúmlega 30 ríkjum – Biden skrúfar frá olíukrananum – Rússar hóta að skrúfa fyrir gasið
Höfundur: Morgunblaðið
Heimild: 
.
Mynd – newamerica.org 2.04.2022
.
Mbl – 1.04.2022
Olía flæðir frá rúmlega 30 ríkjum
Joe Biden, forseti Bandaríkjanna. AFP/ROBERTO SCHMIDT
Joe Biden, forseti Bandaríkjanna, segir að rúmlega 30 ríki hafi ákveðið að taka þátt í því með Bandaríkjunum að losa olíu út á markaði í þeim tilgangi að reyna að koma á jafnvægi á orkumörkuðum heims í kjölfar innrásar Rússa í Úkraínu. Um er að ræða olíu úr olíuforða ríkjanna.
Biden greindi frá þessu í ávarpi í Hvíta húsinu í Washington í dag. Um er að ræða fleiri tugi milljóna tunna sem bætast við ákvörðun Bandaríkjastjórnar, en Biden greindi frá í gær að bandarísk stjórnvöld hygðust losa um 180 milljónir tunna af olíu út á markaði á komandi sex mánuðum.
Aðgerðinni, sem er sú umfangsmesta af þessu tagi í sögunni, er ætlað að hafa kælandi áhrif á olíumarkaðinn á heimsvísu og draga úr því höggi sem bandaríska hagkerfið hefur orðið fyrir vegna stríðsátakanna.
Biden sagði að almenningur í Bandaríkjunum hefði fundið fyrir síhækkandi eldsneytiskostnaði vegna hækkandi heimsmarkaðsverðs á olíu sem væri afleiðing innrásarinnar og viðbragða Vesturveldanna sem hafa beitt Rússa mjög hörðum efnahagsþvingunum. Rússar eru næst stærsti útflytjandi hráolíu í heiminum á eftir Sádi-Arabíu.
Fram kemur í umfjöllun AFP-fréttaveitunnar að verð á olíu hafi náð jafnvægi í dag en verðið nemur tæpum 100 dollurum á tunnu.
—————————————-
Mbl – 31.03.2022
Biden skrúfar frá olíukrananum
Joe Biden Bandaríkjaforseti tilkynnti í dag fordæmalausa losun á olíu úr sérstökum neyðarforða Bandaríkjanna til að vinna gegn síhækkandi verði á eldsneyti.
Biden leitar núna allra leiða til að lækka verð á eldsneyti í Bandaríkjunum en það hefur snarhækkaði í kjölfar innrásar Rússlands í Úkraínu.
Eldsneytisverð hefur orðið að miklu hitamáli fyrir komandi kosningar í Bandaríkjunum í nóvember en demókratar gera allt í þeirra valdi til að halda meirihluta í þinginu.
Fordæmalausar aðgerðir
Biden hyggst leysa 180 milljón olíutunnur úr olíuforðanum á næstu sex mánuðum. Það nemur um milljón tunnum af olíu á dag. Aldrei hefur jafn mikil olía verið leyst úr olíuforða Bandaríkjanna frá því honum var komið á fót árið 1974.
Þar að auki tilkynnti Biden refsiaðgerðir bandarískra stjórnvalda gegn olíufyrirtækjum sem hafa ekki aukið framleiðslu sína á landsvæði sem þau leigja frá ríkinu.
Í tilkynningu Hvíta hússins um málið kom fram að þessi metlosun á olíu ætti að hjálpa Bandaríkjamönnum til loka árs þegar framleiðsla á olíu innanlands ætti að vera búin að aukast til muna.
Óljóst er hversu mikið eldsneytisverð í Bandaríkjunum mun lækka við þessar aðgerðir bandaríska ríkisins. Verðið hefur þó lækkað örlítið strax í kjölfar tilkynningarinnar.
————————————————
Gasleiðslur Rússa til Evrópu
.
Mbl – 8.03.2022
Rússar hóta að skrúfa fyrir gasið
Rússnesk yfirvöld hafa varað við því að þau kunna að skrúfa fyrir helstu flutningsleiðir gass til Þýskalands ef Vesturlönd taka sig til og banna kaup á rússneskri olíu.
Staðgengill rússneska forsætisráðherrans, Alexander Novak, sagði að slíkt bann myndi hafa í för með sér „skelfilegar afleiðingar“ fyrir heimsmarkaðsframboð og -verð þannig að olíuverð færi upp í um þrjúhundruð dollara á tunnu.
Bandarísk stjórnvöld hafa undanfarið gefið því undir fótinn að þau, ásamt öðrum vestrænum þjóðum og bandamönnum, ættu að banna kaup á rússneskri olíu sem viðbót við viðskiptaþvinganir á hendur Rússum. Þjóðverjar og Hollendingar hafa hafnað því að taka þátt í slíkum fyrirætlunum.
Evrópusambandsþjóðir reiða sig á viðskipti við Rússlands fyrir um 40 prósent af gasi sínu og 30 prósent af olíuviðskiptum og ekki eru aðrir birgjar í sjónmáli.
Novok sagði að Rússland hefði rétt á því að spyrna til baka og benti á að þegar hefðu Þjóðverjar fallið frá áformum um gasleiðsluna Nord Stream II.
.
Mynd – blacknews.ro 21.02.2022
.
Móttökustöð fyrir gas úr Nord Stream II leiðslunni í Þýskalandi. AFP
