E.coli bakteríurmengað Neysluvatn – Brimnesvatnsból..

Sýni sem heilbrigðiseftirlitið tók í Ólafsfirði 5. október innihéldu E. coli bakteríur og var íbúum ráðlagt að sjóða allt neysluvatn. Sýni sem var tekið á mánudaginn benti til þess að mengun væri enn til staðar, en einungis í öðru vatnsbóli Ólafsfirðinga, í Brimnesdal. Talið var að tekist hefðu að einangra vatnsbólið að mestu og því þurfti einungis hluti íbúa að sjóða neysluvatn.

Í nýrri tilkynningu á vef Fjallabyggðar segir að hugsanlega hafi hluti dreifikerfisins mengast. Sýni voru tekin úr dreifikerfi Brimnesvatnsbóls í gær, þar af tvö sýni sem komin voru inn á hitt vatnsbólið við Múla. Enn er þó talið að mengunin einskorðist við Brimnesdal og því sé nyrsti hluti bæjarins í lagi. Til öryggis er þó öllum íbúum Ólafsfjarðar ráðlagt að sjóða neysluvatn að nýju.

Umhverfis- og tæknideild vinnur að sótthreinsun dreifikerfisins og endurbótum á vatnsbólinu í Brimnesdal en miklar rigningar tefja fyrir viðgerðum.