Hvað er maðurinn að gera – Iðnaðarmaður?

Heimild:   

Það er ekki furða að fólk spyrji sig hvað maðurinn á myndinni sé að gera því aðstæðurnar verða að teljast mjög óvenjulegar, svo ekki sé meira sagt. Enda hefur myndin vakið mikla athygli á netinu undanfarið.

Skýringin á þessari undarlegu stellingu er að maðurinn, Jimmie Cox, er handlaginn iðnaðarmaður sem býr í Texas í Bandaríkjunum. Andrea Adams hringdi nýlega í hann vegna sprunginnar vatnsleiðslu við heimili hennar í Hood sýslu. Jimmie brást auðvitað fljótt við, mætti á staðinn, lagðist á magann og kafaði ofan í pollinn til að reyna að koma rörinu saman á nýjan leik. Andrea stóðst auðvitað ekki mátið og tók myndina sem hefur farið sigurför um netheima undanfarið.

Jimmie skilur sjálfur ekkert í að fólk skuli hafa svona mikinn áhuga á myndinni af honum enda sé ekki óalgengt að iðnaðarmenn leggi mikið á sig í vinnunni.