Exeter húsið Tryggvagötu

Fyr­ir­tækið Mann­verk hef­ur beðið Minja­stofn­un, bygg­ing­ar­yf­ir­völd og al­menn­ing af­sök­un­ar á skorti á aðgát við fram­kvæmd­ir á bygg­ing­areit við Tryggvagötu 10-14.

Í yf­ir­lýs­ingu frá Mann­verki vegna niðurrifs hins svo­kallaða Ex­eter-húss seg­ir að ljóst sé að fyr­ir­tækið hefði átt að leita eft­ir nán­ara sam­starfi við Minja­stofn­un um aðferð við fram­kvæmd­irn­ar áður en sú leið var far­in að fella húsið, sam­tím­is því að safna úr því hlut­um til end­ur­bygg­ing­ar þess.

„Mann­verk lof­ar því að húsið sem um ræðir verði end­ur­byggt. Það hef­ur ávallt staðið til, enda er það í sam­ræmi við samþykkta aðal­upp­drætti og deili­skipu­lag sem var unnið í nánu sam­starfi við Minja­stofn­un og skipu­lags­yf­ir­völd,“ seg­ir í yf­ir­lýs­ing­unni.

Töldu sig vera inn­an heim­ilda

„Starfs­menn Mann­verks töldu sig vera inn­an heim­ilda við fram­kvæmd­ina og voru í góðri trú um að þessi leið væri heim­il og nauðsyn­leg við end­ur­bygg­ingu húss­ins. Nú hef­ur komið skýrt í ljós að op­in­ber­ir aðilar hafa ann­an skiln­ing á því hvernig fram­kvæmd­in átt að fara fram. Málið er nú til skoðunar og fyr­ir­tækið mun veita all­ar nauðsyn­leg­ar upp­lýs­ing­ar og aðstoð við fram­gang máls­ins.“

Fram kem­ur að hið end­ur­byggða hús verði að fram­kvæmd­un­um lokn­um sem næst þeirri mynd sem það var í þegar það var byggt árið 1904. Not­ast verður við bygg­ing­ar­máta og aðferðir þess tíma.

„Mik­il­væg­ir hlut­ar húss­ins voru tekn­ir til hliðar, s.s. hluti burðar­virk­is og glugg­ar, og verða þeir nýtt­ir eft­ir fremsta megni við end­ur­bygg­ingu húss­ins. Í teikn­ing­un­um er þess gætt að raska ekki heild­ar­svip götu­mynd­ar­inn­ar og að end­ur­bygg­ing eldri húsa og ný­bygg­ing­ar hald­ist í hend­ur. Við hönn­un­ina var leit­ast við að auka gæði svæðis­ins og skila end­ur­byggðum hús­um í upp­runa­legri mynd í bland við fal­leg­ar ný­bygg­ing­ar.“

„Stig­um feil­spor“

Hjalti Gylfa­son, fram­kvæmda­stjóri Mann­verks, seg­ir í yf­ir­lýs­ing­unni: „Það er ljóst að við stig­um feil­spor og við erum öll mjög leið yfir því. Við vilj­um njóta trausts og mun­um draga rík­an lær­dóm af þessu máli.“

Heimild: Mbl