Vatnsnotkun eykst eftir Áramótaskaupið/Eurovision og á aðfangadegi jóla á milli kl. 16:00 – 18:00

Smella á mynd til að stækka

Vatnsnotkun í Kópavogi jókst til muna þegar Áramótaskaupi Sjónvarpsins lauk á gamlárskvöld. Á örskömmum tíma fór notkunin úr 110 lítrum á sekúndu í 240 lítra. Á fyrstu mínútum Skaupsins dróst vatnsnotkunin úr 170 lítrum á sekúndu í 130 lítra. Frá þessu er sagt á vefsíðu Kópavogsbæjar.

Kópavogsbúar hafa því verið límdir við skjáinn á gamlárskvöld eins og á væntanlega við um aðra landsmenn. Fyrstu mínúturnar eftir skaupið hafa svo farið í klósettráp eða uppvask.

Upplýsingarnar um vatnsnotkun Kópavogsbúa eru fengnar frá Vatnsveitu Kópavogs. Tölurnar má sjá á myndinni sem fylgir með fréttinni.

Vatnsnotkun eykst á aðfangadegi jóla á milli klukkan 16 og 18 og vatnsnotkun eykst einnig rétt eftir að íslenska lagið er flutt í Eurovision-keppninni. Vatnsnotkun er einnig nokkuð meiri á sumrin en á veturna.

Heimild: Vísir