Rafhleðsla bílastæði – 1 af 5 við atvinnuhúsnæði
![](https://i0.wp.com/vatnsidnadur.net/wp-content/uploads/2016/01/ruv.png?resize=61%2C22)
![](https://i0.wp.com/vatnsidnadur.net/wp-content/uploads/2018/12/rafbilar-a.jpg?resize=960%2C519)
Desember 2018
Reglugerðardrögin voru birt á samráðsgátt stjórnvalda fyrir helgi. Tilefnið er orkuskipti í samgöngum og breytingar sem gerðar hafa verið á lögum um mannvirki og stjórnsýslu mannvirkjamála. Nú þegar eru í reglugerð ákvæði um hvernig tryggð skuli aðstaða til að hlaða rafbíla við byggingu íbúðarhúsnæðis. Engar reglur hafa hins vegar verið um að tekið sé tillit til rafbílavæðingar á bílastæðum annars konar húsnæðis. Því hefur verið heimilt að búa til stór bílastæði og bílastæðahús undanfarið án þess að þar sé boðið upp á aðstöðu til hleðslu rafbíla.
![](https://i0.wp.com/vatnsidnadur.net/wp-content/uploads/2018/12/1-af-5.jpg?fit=1024%2C424)
Umhverfisráðuneytið birti fyrir helgi drög að reglugerð um lágmarksfjölda bílastæða með tengibúnaði vegna hleðslu rafbíla. Í þeim er kveðið á um kröfur sem gera eigi um bílastæði annarra húsa en íbúðahúsnæðis. Samkvæmt reglugerðardrögunum verður að lágmarki fimmta hvert bílastæði við atvinnuhúsnæði að bjóða upp á hleðslu rafmagnsbíla.