Venesúela í orkuvanda – Rafmagnið af öllu Venesúela í fjóra tíma á dag

Stjórnvöld í Venesúela hafa ákveðið að taka rafmagnið af öllu landinu í fjóra tíma í senn frá og með næstu viku, til að takast á við vaxandi orkuvanda landsins. Ástandið mun vara í fjörutíu daga en ástæða orkuvandans eru miklir þurkar sem gera það að verkum að vatnsaflsvirkjanir landsins ná ekki að framleiða nægilega orku.

Smella á mynd til að stækka

Þetta er ekki eini vandinn sem íbúar Venesúela standa frammi fyrir, því aðalútflutningsvara landsins, olían, hefur fallið mikið í verði síðustu misserin. Þá hefur stærsti bjórframleiðandi landsins lýst því yfir að hún verði að loka í ljósi þess að ekki eru til dollarar til að kaupa hráefni sem þarf til að brugga bjór, en þau þarf að kaupa erlendis frá.

               Heimild: Vísir