Breytingar á byggingarreglugerð – Stýrihópar og starfshópar, 2023 og 2025

Grein/Linkur:  Stjórnarráðið | Skipar stýrihóp til að vinna að breytingum á byggingarregluverki – Stjórnarráðið | Stýrihópur skipaður um gagngera endurskoðun byggingarreglugerðar – Breytingar á byggingarreglugerð | Húsnæðis- og mannvirkjastofnun

Höfundur: Stjórnarráðið, Húsnæðis og mannvirkjastofnun

Heimild:

.

.

Grein/Linkur: Stjórnarráðið | Skipar stýrihóp til að vinna að breytingum á byggingarregluverki

Maí 2025

Skipar stýrihóp til að vinna að breytingum á byggingarregluverki

Inga Sæland, félags- og húsnæðismálaráðherra, hefur skipað stýrihóp um endurskoðun á byggingarreglugerð. Hópnum er ætlað að vinna tillögur um gagngerar breytingar á regluverkinu með áherslu á að einfalda umgjörð um byggingariðnað til að lækka byggingarkostnað og leggja grunn að stöðugleika á húsnæðismarkaði. Honum er einnig ætlað að fylgja tillögunum eftir og vinna að breyttu fyrirkomulagi byggingareftirlits til að auka neytendavernd og draga úr byggingargöllum.

Verkefni hópsins eru þannig tvíþætt:

1. Einföldun byggingarreglugerðar (minnkun reglubyrðis) með það fyrir augum að auka svigrúm fyrir hönnuði, framkvæmdaraðila og aðra hagaðila til að útfæra hagkvæmar og skilvirkar lausnir við uppbyggingu íbúða.

2. Breytt fyrirkomulag byggingareftirlits til að draga úr byggingargöllum, auka neytendavernd og auka skilvirkni í stjórnsýslu.

Í stýrihópnum eru:

• Hreiðar Ingi Eðvarðsson, formaður, fulltrúi ráðherra,
• Hildur Dungal, fulltrúi félags- og húsnæðismálaráðuneytis,
• Helga María Pálsdóttir, fulltrúi Sambands íslenskra sveitarfélaga,
• Hermann Jónasson, fulltrúi Húsnæðis- og mannvirkjastofnunar,
• Sigurður Hannesson, fulltrúi Samtaka iðnaðarins.

Með hópnum starfar einnig starfsfólk Húsnæðis- og mannvirkjastofnunar.

———————————————————

Grein/Linkur: Stjórnarráðið | Stýrihópur skipaður um gagngera endurskoðun byggingarreglugerðar

Júlí 2023

Sigurður Ingi Jóhannsson, innviðaráðherra, hefur skipað stýrihóp um breytingar á byggingarreglugerð til loka árs 2024. Stýrihópnum er ætlað að vinna tillögur um gagngerar breytingar á regluverkinu og einfalda umgjörð um byggingariðnað í því skyni að lækka byggingarkostnað og leggja grunn að stöðugleika á húsnæðismarkaði. Hópnum er ætlað að skila tillögum að úrbótum til ráðherra haustið 2024.

Lögð verður áhersla á að tillögurnar muni leiða til framfaraskrefa í bygginga- og mannvirkjagerð til framtíðar en markmiðið er að einfalda stjórnsýslu, auka gæði og neytendavernd og stuðla að aukinni nýsköpun og sjálfbærni. Í vinnu sinni á hópurinn að hafa til hliðsjónar tillögur OECD til úrbóta á lögum og reglum í byggingariðnaði, þ.m.t. að auka sjálfbærni, stafræna stjórnsýslu og gæði.

„Eitt stærsta áherslumálið í sáttmála ríkisstjórnarinnar er að ná jafnvægi á húsnæðismarkaði og koma í veg fyrir þær miklu sveiflur sem hafa einkennt hann síðustu ár. Ein af forsendum þess að ná stöðugleika á húsnæðismarkaði er að einfalda regluverkið og auka skilvirkni. Við viljum taka byggingarreglugerðina til gagngerrar endurskoðunar í góðri samvinnu við fag- og hagsmunaaðila,“ segir Sigurður Ingi Jóhannsson, innviðaráðherra.

Vinnuhópar með fag- og hagsmunaaðilum

Stýrihópurinn mun vinna með fag- og hagsmunaaðilum og mynda vinnuhópa um einstök málefni til þess að tryggja samráð og samtal um bestu lausnir. Vinnuhóparnir sem þegar eru farnir af stað munu fjalla um eftirtalin málefni: Hönnunareftirlit, framkvæmda- og notkunareftirlit, lífferilsgreiningar (LCA), orkusparnaður og rekstur og stafræn þróun. Aðrir hópar sem munu fylgja í kjölfarið vinna með eftirtalin málefni: Hollusta og umhverfi, brunavarnir og öryggi í notkun, aðkoma,  umferðarleiðir og innri rými, burðarþol og stöðugleiki, hringrásarhagkerfið og byggingarvörur og tryggingar. Vinnuhópur um stafræna þróun mun starfa þvert á alla hópa.

Stýrihópurinn er skipaður tveimur fulltrúum frá ráðuneytinu, tveimur frá Húsnæðis- og mannvirkjastofnun (HMS), einum frá Sambandi íslenskra sveitarfélaga og einum frá Samtökum iðnaðarins. Hópurinn er skipaður eftirtöldum:

• Ingveldur Sæmundsdóttir, formaður, innviðaráðuneyti,
• Björn Karlsson, innviðaráðuneyti
• Hermann Jónasson, HMS
• Þóra Margrét Þorgeirsdóttir, HMS
• Arnar Þór Sævarsson, framkvæmdastjóri Sambands íslenskra sveitarfélaga
• Sigurður Hannesson, Samtök iðnaðarins.

Með hópnum starfar Þórunn Lilja Vilbergsdóttir, lögfræðingur hjá HMS.

———————————————————–

Grein/Linkur: Breytingar á byggingarreglugerð | Húsnæðis- og mannvirkjastofnun

Ágúst 2024

Fimm starfshópar hafa þegar hafið störf. Þeir eru :

Starfshópur um hönnunareftirlit en í honum eru; Þórunn Lilja Vilbergsdóttir lögfræðingur hjá HMS, Sveinn Björnsson byggingarfulltrúi Reykjanesbæjar, Ólafur Á. Ingason byggingarverkfræðingur hjá Eflu, Sigríður Magnúsdóttir Arkitekt hjá Teiknistofunni Tröð, Sigríður Maack Arkitekt hjá skipulagsfulltrúa Reykjavíkurborgar, Jón Guðmundsson verkfræðingur og Viggó Magnússon byggingafræðingur hjá HR og Arkís.

Starfshópur um framkvæmdar- og notkunareftirlit en í honum eru; Kristinn Tryggvi Gunnarsson sérfræðingur hjá HMS, Guðjón Bragason lögfræðingur, Haraldur Birgir Haraldsson skipulags- og byggingarfulltrúi Rangárþings ytra, Sigrún Melax gæðastjóri hjá Jáverk, Friðrik Ágúst Ólafsson viðskiptastjóri á mannvirkjasviði SI, Ágúst Þ. Pétursson húsasmíðameistari hjá Mannvit og Kolbrún Rakel Helgadóttir framkvæmdastjóri hjá Ölfusborg.

Starfshópur um Orkusparnað og rekstur en í honum eru; Ágúst Pálsson sérfræðingur hjá HMS, Björn Marteinsson prófessor emeritus HÍ, Marta R. Karlsdóttir vélaverkfræðingur hjá Orkustofnun, Bjartur Guangze Hu byggingaverkfræðingur, Nanna K. Pétursdóttir byggingartæknifræðingur hjá Verkís, Alma D. Ívarsdóttir, verkfræðingur hjá Mannviti, Þórhildur F. Kristjánsdóttir verkfræðingur hjá Eflu og Högni Hróarsson byggingarverkfræðingur hjá Ferli.

Starfshópur um Lífsferilsgreiningar (LCA) en í honum eru; Þóra Margrét Þorgeirsdóttir framkvæmdarstjóri hjá HMS, Helga María Adólfsdóttir byggingarverkfræðingur hjá Mannvit, Alexandra Kjeld umhverfisverkfræðingur hjá Efla og Grænni byggð, Ólafur Ögmundarson dósent hjá HÍ og Viggó Magnússon byggingafræðingur hjá HR og Arkís

Starfshópur um stafræna þróun en í honum eru;  Hugrún Ýr Sigurðardóttir sérfræðingur hjá HMS, Ingibjörg Birna Kjartansdóttir þróunarstjóri BIM hjá ÍSTAK, Davíð Friðgeirsson BIM leiðtogi hjá FSRE, ; Smári Freysson sérfræðingur hjá HMS, Dagný Geirdal sérfræðingur hjá HMS; Guðjón Steinsson sérfræðingur hjá HMS og Svava Björk Bragadóttir byggingafræðingur hjá Arkís.