Vatnsidnadur.net er 10 ára!
Grein/Linkur: Vatnsidnadur.net er 10 ára!
Höfundur: Snæbjörn R Rafnsson
Heimild: 
.
.
Ágúst 2025
Vatnsidnadur.net er 10 ára!
Merkileg tímamót – Lifandi gangagrunnur með þekkingu og sögu vatns, lagna og orkumála
Á síðustu 10 árum hefur orðið til sértæk vefsíða sem sameinar söguna, fagmennskuna og framtíðarsýn vatnsiðnaðar á Íslandi: vatnsidnadur.net. Þar er safnað saman fróðleik, heimildum og upplýsingum um allt sem tengist vatni, virkjunum, vatnsveitum, lögnum og þeim fjölbreytta heimi sem iðnaðurinn nær yfir.
Er óhætt að segja að um stærsa safn slíkra upplýsinga hérlendis sé að ræða.
Af hverju var vefsíðan gerð
Tilgangurinn er að skapa miðlægan vettvang þar sem hægt er að finna upplýsingar sem áður voru dreifðar á mörgum stöðum eða jafnvel erfitt að nálgast. Með því að safna efninu saman í gagnagrunn, fær almenningur, nemendur, sérfræðingar og fagfólk aðgang að:
- sögu og fróðleik um vatn, orkumannvirki, vatnsveitu, hitaveitu og lagnakerfi
- upplýsingum um samfélag íslenskt vatnsiðnaðar: löggilta aðila sem starfa í greininni, rekstraraðila virkjana og veitna, framleiðendur vatnslagnaefnis, hönnunarstofur og verktaka, söluaðila lagnaefnis, ríkis og menntastofnanir og félagasamtök. Brunavarnir eru einnig hluti íslenskt vatnsiðnaðar.
- upplýsingum um regluverk og staðla
- fróðleik og greinar sem varpa ljósi á þróun og nýjungar
Markmið vefsíðunnar mætti draga saman í eftirfarnadi punkta
- Varðveisla og miðlun – að halda utan um sögu og þróun vatnsiðnaðarins
- Aðgengi og yfirsýn – að gera upplýsingar aðgengilegar öllum, frá fagfólki til almennings.
- Faglegur vettvangur – að styðja við starfsfólk og fyrirtæki með fræðslu og yfirlitum. Og að hvetja samfélagið til faglegrar nálgunnar og menntunar
Af hverju skiptir þetta máli
Vatnið er okkar dýrmætasta auðlind og vatnsiðnaðurinn er ein af ósýnilegustu en jafnframt mikilvægustu stoðum samfélagsins. Með öruggu vatni, góðum lagnakerfum og traustum iðnaðarmönnum tryggjum við lífsgæði, heilsu og öryggi.
Með vefsíðunni hefur vatnsiðnaðurinn fengið sameiginlegan vettvang byggðan á þeim trausta grunni.
Til hamingju með 10 ára afmælið!
