Hermannaveiki Reykjavík – Sagan 2024

Grein/Linkur:  Einn greindist með hermannaveiki

Höfundur:  Morgunblaðið

Heimild:  

.

.

Júlí 2024

Einn greindist með hermannaveiki

Ein mann­eskja í Vatns­holti greind­ist með her­manna­veiki en bakt­erí­an sem veld­ur veik­inni fannst ný­verið í húsi í Holt­un­um í Reykja­vík.

Fram kem­ur í svari Heil­brigðis­eft­ir­lits Reykja­vík­ur að embætti land­lækn­is hafi óskað eft­ir því að eft­ir­litið tæki vatns­sýni á Vatns­holti og að þar hafi greinst bakt­ería í einu húsi.

„Hreins­un var gerð sem felst í því að dæla 70 gráðu heitu vatni um kerfið,“ seg­ir í svari Heil­brigðis­eft­ir­lits­ins við fyr­ir­spurn Heim­ild­ar­inn­ar.

Þá bæt­ir Heil­brigðis­eft­ir­litið því við í svari sínu að aft­ur hafi verið tek­in sýni og að niðurstaða ber­ist eft­ir 10 daga. Þó ætti allt að vera orðið hreint aft­ur.

„Aðeins einn veikt­ist en full­frísk­ir veikj­ast yf­ir­leitt ekki,“ seg­ir í svari Heil­brigðis­eft­ir­lits­ins.

Heim­kynni bakt­erí­unn­ar í vatni

Á Vís­inda­vefn­um seg­ir að full­frísk­ir ein­stak­ling­ar geti fengið bakt­erí­una í önd­un­ar­veg án þess að veikj­ast. Al­var­leg veik­indi verði yf­ir­leitt aðeins hjá ein­stak­ling­um með und­ir­liggj­andi áhættuþætti.

„Nátt­úru­leg heim­kynni bakt­erí­unn­ar eru í vatni, hún þolir hita­stig frá 0–63°C en kjör­hita­stig henn­ar er um það bil 30–40°C. Legíónella-bakt­erí­an get­ur lifað árum sam­an í vatnstönk­um við 2–8°C og sest oft að í lokuðum end­um pípu­lagna stórra bygg­inga þar sem vatnið stend­ur kyrrt og hita­stig er ekki hátt.“