LAFÍ, sagan – Nýr framkvæmdastjóri 2020

Grein/Linkur:  Ávarp formanns LAFÍ

Höfundur: Magnús Sædal Svavarsson

Heimild:  

.

.

Ágúst 2020

Magnús Sædal Svavarsson 1946-2022

Ávarp formanns LAFÍ , Magnús Sædal Svavarsson

Í síðasta tölublaði Lagnafrétta gerði formaður LAFÍ,  grein fyrir aðdraganda þess að hann lét til leiðast að taka við formennsku í LAFÍ. Þar voru og reifaðar hugmyndir rekstrarfyrirkomulag félagsins og þá horft til mögulegs aukins samstarfs við Iðuna-fræðslusetur. Nú liggur fyrir að Iðan er ekki reiðubúin til frekara samstarfs en verið hefur um árabil, en það felst í aðgengi að húsnæði til fundahalda og námskeiðahalds. Í því ljósi hefur formaður, í samráði við stjórn félagsins, gert óformlegt samkomulag við Grétar Leifsson, verkfræðing, um að hann taki að sér framkvæmdastjórn félagsins.

Grétar er óþarft að kynna en hann hefur verið virkur í starfi félagsins um árabil og flestum hnútum kunnugur.

Grétar Leifsson

Væntir undirritaður mikils af hendi Grétars í þágu félagsins, en þar er að mörgu að hyggja. Virkum félagsmönnum og styrktaraðilum hefur fækkað á undanförnum árum og fjárhagur bágborinn. Á því verður að verða breyting. Til þess að svo verði þarf til samstillt átak félagsmanna og stjórnar.

Kristján Ottóson 1937-2023

Það hefur orðið að samkomulagi að Kristján Ottósson, frumkvöðull að stofnun LAFÍ og framkvæmdastjóri félagsins, frá upphafi, láti af störfum og stjórnarsetu.

Á þessum tímamótum eru honum færðar þakkir fyrir áræðni við stofnun félagsins og áratuga framkvæmdastjórn. Þar var staðið lengur en stætt var.
Ágætu lagnamenn! Oft er þörf en nú er nauðsyn á að lagnamenn sameinist um að
eflingu og nýsköpun LAFÍ, lagnamönnum og landi til heilla.

.

Ekki liggja fyrir frekari upplýsingar um Stjórnir síðan 2019-2020 á vef LAFÍ 25.08.2024