Vantar 360 pípara – Næstu 5 ár

Grein/Linkur:  Þurfa að ráða 360 pípara á næstu fimm árum

Höfundur: Samtök Iðnaðarins

Heimild:

.

.

Maí 2024

Þurfa að ráða 360 pípara á næstu fimm árum

Stjórnendur fyrirtækja í pípulögnum innan Félags pípulagningameistara áætla að ráða þurfi 360 pípara á næstu fimm árum. Þetta kemur fram í nýrri greiningu SI. Stjórnendurnir segja að skortur á starfsfólki hafi heft vöxt fyrirtækja í greininni á síðustu árum. Samkvæmt könnun sem Outcome framkvæmdi í apríl til maí fyrir Samtök iðnaðarins segjast 68% stjórnenda fyrirtækja í pípulögnum að erfiðleikar við að finna rétt starfsfólk hafi heft vöxt fyrirtækjanna á síðustu árum. Ekki nema 24% segja að svo hafi ekki verið og 8% segja hvorki né.

Samtök iðnaðarins telja að litið til næstu ára sé ljóst að vandræði blasa við varðandi misræmi milli færniþarfar fyrirtækja og þess hvað innlent menntakerfi nær að anna. Samkvæmt könnuninni segja 28% stjórnenda fyrirtækja í pípulögnum að innlent menntakerfi muni ekki mæta færniþörf þeirra fyrirtækis litið til næstu fimm ára. 40% segja hins vegar að innlent menntakerfi muni mæta þessari færniþörf og 32% segjast ekki vita það eða vilja ekki svara.

Samkvæmt niðurstöðum könnunar Outcome þurfa fyrirtæki í pípulögnum að ráða 475 manns á næstu fimm árum. Af þeim þarf greinin 360 pípulagningarmenn eða um 72 á ári. Þetta er nokkuð meira en sá fjöldi pípara sem hefur á síðustu árum lokið sveinsprófi en að jafnaði hafa 35 lokið slíku prófi á ári síðustu fimm árin. Ljóst er að fjölga þarf menntuðum í pípulögnum sem ljúka sveinsprófi á næstu árum ef mæta á færniþörf greinarinnar. Að öðrum kosti er viðbúið að skortur á starfsfólki muni áfram hefta vöxt í greininni.