Hitastigulshola – Hvað er það?

Grein/Linkur: Borun hitastigulsholna í Eyjafirði

Höfundur: Norðurorka

Heimild:

.

Borun hitastigulsholu við Síðuskóla á Akureyri. (Mynd: Hjalti Steinn Gunnarsson)

.

Október 2022

Borun hitastigulsholna í Eyjafirði

Rannsóknir eru veigamikill þáttur í starfsemi Norðurorku en þær byggja annars vegar á því að fylgjast vel með þeim auðlindum sem verið er að nýta hverju sinni, svokallað vinnslueftirlit, en hins vegar á að huga að mögulegum framtíðarvinnslusvæðum.

Heitavatnsnotkun á Akureyri hefur vaxið hratt undanfarin ár. Mikið hefur verið byggt á Akureyri og nágrenni en þegar horft er til aukningar í íbúafjölda virðist sem hver einstaklingur sé að nota aukið magn hitaveituvatns. Meðal annars þess vegna hefur þörf á rannsóknum, til öflunar á heitu vatni, aukist enn frekar.

Vatnsborun ehf. boraði rannsóknarholur í Eyjafirði en hitastigulsboranir sem þessar eru notaðar til að leita að jarðhita þar sem engin yfirborðsummerki eru. Bora þarf um 60 metra í berg þannig að hver hola er að jafnaði 60-100m djúp, allt eftir því hversu djúpt er niður á bergið. Á vegum Norðurorku verða boraðar um 30 hitastigulsholur víða í firðinum, á stöðum sem ekki hefur verið borað á áður.

Eins og sjá má á meðfylgjandi myndum sem Hjalti Steinn Gunnarsson tók stóð yfir borun við Síðuskóla á Akureyri.