Hvammsvík, sagan – Orkuveita Reykjvíkur selur
Heimild: 
.
Skýrsla Hitaveitu Reykjavíkur um Hvammsvík
Júní 1998
Smella á skjal til að opna
.
Hvammsvík í Hvalfirði er fögur vík frá náttúrunnar hendi. Áform eru um að bjóða upp á sjóböð í hæsta gæðaflokki. Ljósmynd/www.mats.is
.
Nóvember 2011
Keypti Hvamm og Hvammsvík
Skúli Mogensen
Skúli Mogensen, fjárfestir og aðaleigandi MP banka, er kaupandi að jörðunum Hvammi og Hvammsvík í Hvalfirði, sem Orkuveita Reykjavíkur (OR) seldi nýlega.
„Ég hlakka til að fást við þetta skemmtilega verkefni. Byggja þarna upp og rækta og nýta jörðina fyrir framtíðar ferðamanna- og útivistarsvæði,“ segir Skúli. Aðspurður segist hann ekki geta tjáð sig frekar að sinni um hvort eða hvenær farið verði í einhverjar framkvæmdir á jörðunum. Hann þekki staðinn nokkuð vel og finnist þetta áhugavert en sé ekki búinn að fullmóta áætlanir varðandi jarðirnar.
OR auglýsti jarðirnar Hvamm og Hvammsvík til sölu í vor en tilkynnti nýlega að jarðirnar hefðu verið seldar hæstbjóðanda á 155 milljónir króna. OR yrði áfram eigandi jarðhita.
Í Hvammsvík hefur til margra ára verið rekin ferðaþjónusta þar sem boðið er upp á sjóstangaveiði, kajakferðir, grillveislur. Á jörðinni er níu holu golfvöllur og tjaldsvæði.
.
Hvammsvík, austurvíkin þar sem náttúrulaug – Photo by @sarabjorkp
Nóvember 2019
Sjóböð byggð upp í Hvammsvík
Auglýst hefur verið skipulagslýsing vegna breytingar á deiliskipulagi Hvamms og Hvammsvíkur í Hvalfirði. Tilefni deiliskipulagsbreytinganna er áform um uppbyggingu, en fyrirhugað er að byggja sjóböð og tilheyrandi aðstöðu fyrir baðgesti, svo sem búningsaðstöðu, veitingasölu og bílastæði, að því er fram kemur á heimasíðu Kjósarhrepps.
Þjónustuhús verður fyrir allt að 150 manns og verður bílaumferð og fjöldi gesta takmarkaður hverju sinni til að tryggja sem besta upplifun gesta og hlífa náttúru staðarins fyrir of miklum ágangi.
Gert ráð fyrir 5-6 heitum laugum
Fyrirhuguð uppbygging verður þar sem núverandi náttúrulaug er. Gert verður ráð fyrir bílastæðum fyrir um 50 bíla auk stæða fyrir 2-3 hópferðabíla. Þjónustuhúsið verður allt að 500 fermetrar að stærð. Leitast verður við að nota íslensk efni og íslenska list eftir fremsta megni. Laugarnar verða allar hlaðnar úr grjóti, sem finnst víðs vegar í fjörunni eða á jörðinni.
Húsið verður lagt torfi og það falið að mestu leyti frá götu og þjóðvegi. Gert er ráð fyrir fimm til sex heitum og köldum laugum sem liðast út í víkina og fyllast og tæmast með flóði og fjöru. Einnig er gert ráð fyrir tveim gufuböðum og hvíldaraðstöðu sem jafnframt er hugsað sem skjól. Laugarnar yrðu misdjúpar en þrjár þeirra yrðu alltaf að mestu nothæfar, einnig á flóði.
.
Hvammsvík Hvalfirði
.
