Íran – Bushehr kjarnorkuverið gangsett
Heimild: 
.
Mars 2010
Fyrsti kjarnakljúfur Bushehr-kjarnorkuversins í Íran var sett í gang í sumar. Vladimir Putin, forsætisráðherra Rússlands, greindi frá þessu.
Rússar samþykktu fyrir 15 árum að reisa Bushehr-kjarnorkuverið en framkvæmdir drógust á langinn. Að sögn Putins verður fyrsti áfanginn tekinn í notkun í sumar og hefst þá framleiðsla á rafmagni með kjarnorku eins og ráðamenn í Teheran hafa lengi stefnt að.
Stjórnvöld í Moskvu segja að verið verði eingöngu nýtt til rafmagnsframleiðslu. Útilokað sé að nýta það til smíði kjarnorkuvopna, enda verði það undir eftirliti Alþjóða kjarnorkumálastofnunarinnar, auk þess sem Íranar verði að skila þeim úranstöngum sem notaðar verði til að knýja verið. Bushehr-kjarnorkuverið var lengi þyrnir í augum Bandaríkjamanna og deiluefni milli Rússa og Vesturveldanna. Nú er hinsvegar annað hljóð í strokknum og segja Bandaríkjamenn að Íranar þurfi ekki að halda áfram áformum um auðgun úrans með tilkomu versins.
