Íbúðir Þorlákshöfn – 16 M.kr, stálgrind

Heimild:  

.

Janúar 2017

Tveggja her­bergja íbúðir á 14-16 millj­ón­ir

Elliði Vign­is­son, bæj­ar­stóri í Ölfusi, og Jón Val­ur Smára­son, eig­andi Pró húsa. Ljós­mynd/​Aðsend

Fyr­ir­tækið Pró hús ehf. ætl­ar að byggja 15 íbúða fjöl­býl­is­hús í Þor­láks­höfn að Sam­byggð 14a. Fram­kvæmd­ir hefjast í apríl og stefnt er á að af­henda íbúðirn­ar í júlí/​ág­úst 2019. Í frétta­til­kynn­ingu kem­ur fram að íbúðirn­ar verði ódýr­ar.

Verk­smiðjan sem hann­ar hús­in er búin að fram­leiða sam­bæri­leg hús í yfir 20 ár, flest seld og upp­sett í Rúm­en­íu en einnig í Frakklandi, Þýskalandi, Nor­egi, Svíþjóð og fleiri lönd­um. Er­lend­ir hönnuðir í sam­vinnu við ís­lenska arki­tekta og verk­fræðinga sjá um hönn­un fyr­ir Pró hús.

Fram kem­ur í frétta­til­kynn­ingu að raun­hæft sé að geta boðið tveggja her­bergja rúm­lega 50 fer­metra íbúð á 14-16 millj­ón­ir. Enn frem­ur seg­ir að íbúðirn­ar séu til­bún­ar með tækj­um og inn­rétt­ing­um. Verð geti staðist ef sveit­ar­fé­lög séu til­bú­in að stilla verði lóða og gjalda í hóf.

„Sveit­ar­fé­lög eiga ekki að standa í lóðabraski“

„Hús­næði er meðal grunnþarfa. Með rök­um má halda því fram að lít­ill mun­ur sé á hús­næðis­skorti og fæðuskorti. Við sem stjórn­um sveit­ar­fé­lög­um ber­um því mikla ábyrgð og við eig­um að leita leiða til að tryggja fram­boð af lóðum, og eft­ir at­vik­um hús­næði, á viðráðan­legu verði rétt eins og við mynd­um gera með fæðu ef um væri að ræða fæðuskort.  Sveit­ar­fé­lög eiga ekki að standa í lóðabraski og alls ekki að sætta sig við fram­boðsvanda og ok­ur­verð á þess­um nauðsynj­um,“ er haft eft­ir Elliða Vign­is­syni, bæj­ar­stjóra í Ölfusi.

Hann seg­ir að hlut­verk sveit­ar­fé­laga sé að veita þjón­ustu og hluti af því sé að eiga gott fram­boð af bygg­ingalóðum. Lóðirn­ar eigi að vera á kostnaðar­verði því öll álagn­ing sé í raun álagn­ing sem legg­ist beint á íbúa.

„Við bíðum nú spennt eft­ir út­spili rík­is­stjórn­ar­inn­ar hvað hús­næðismál varðar og von­um ein­læg­lega að það verði í þá átt sem hér frá grein­ir.  Sem sagt að leitað verði leiða til að bjóða gott hús­næði á hag­stæðu verði.“

.

Húsin og íslenskar aðstæður.

• Því er oft haldið fram að hús á Íslandi séu dýr því þau verða að standast íslenskar aðstæður.
• Hús byggð í Rúmeníu þurfa að standast hærri jarðskjálftastaðla og þar af leiðandi er meira járn í burðarvirki þeirra samanborið við íslensk hús.
• Einangrun er einnig góð, hiti í Rúmeníu getur farið yfir 40 stig og frostið niður fyrir 30 stig svo þar þurfa hús sannarlega að vera vel byggð.

Burðarbitar milli hæða.

• Allt efni í húsin er forsniðið eins og hægt er svo sem bitar í veggi, gólf, þak og annað þar sem hægt er að koma því við.
• Öllu er svo pakkað í gáma þ.m.t. gólfefnum, gluggum, hurðum, innréttingum, gifsi, lagnaefni, flísum, parketi, innréttingum og öllu sem til þarf til að byggja hús.
• Allt efni sem þarf er því á staðnum þegar framkvæmdir hefjast, sem eitt og sér flýtir fyrir framkvæmdum.

Hér er stálprófílhús í byggingu.

• Vanir menn koma með og reisa húsin undir lögbundnu eftirliti íslenskra fagaðila eins og lög gera ráð fyrir.
• Byggingartíminn er um 60-90 dagar, reisa og klára húsið að utan og fullklára að innan.
• Framkvæmdatíminn í allt er um þrír mánuðir.

Stuttur byggingartími.

• Það tók 3 daga að reisa þetta hús og mánuð að fullklára það.
• Byggingaraðilar þurfa að skoða hvað hægt er að gera til að lækka byggingarkostnað.
• Lægri byggingarkostnaður þarf að skila sér til kaupenda.
• Hagnaður við byggingu stálprófílhúsa er vel ásættanlegur.

Vönduð hús, stuttur byggingatími, betra verð.

• Nú er gríðarleg þörf á nýjum og hagkvæmum lausnum fyrir fasteignakaupendur, einstaklinga, félagasamtök og bæjarfélög.
• Bjóða þarf valkosti sem standast allar nútíma kröfur, eru í samræmi við íslenskar reglugerðir og bjóða upp á hagkvæmni sem skilar sér til kaupenda. Þetta er lykilatriði.

Hvað er nevpanel?

100% náttúrulegt efni notað í veggklæðningu utandyra sem og innandyra. Einnig sem þak- gólf- og loftklæðningar, raka- og brunahelt, engin mygla. Stenst alþjóðlegar þ.m.t. allar evrópskar gæðakröfur.

Margskonar efnisval er í boði við utanhúsfrágang

Algengt er að klæða með áli, viðarklæðningu eða múrkerfi beint á pressaða steinullina – ýmiss annar frágangur einnig í boði.

Allir gluggar eru með þreföldu gleri. Mun betri hita- og hljóðeinangrun.

Vegguppbygging

1. Málning.

2. Múrkerfi.
3. Pressuð steinull.
4. Nev-klæðning.
5. Stálprófíll.
6. Léttull-steinull.
7. Rakavarnarlag.
8. Rautt gips.