Nýting jarðhita – Gríðalegir möguleikar í Evrópu

eftir · september 25, 2017

Heimild: 

 

Smella á mynd til heyra viðtalið

Jardhiti í mikilli sokn

Guðni A. Jóhannesson orkumálastjór í viðtali í Helgarútgáfunni á Rás 2 

 

Desember 2015

Nota mætti jarðhita í fjórðung af allri húshitun í Evrópu, en notkunin er nú aðeins brot af þessu. Þegar litið er til þess að um fjórðungur allrar orkunotkunar í Evrópu fer til húshitunar er ljóst að gríðarlegir möguleikar felast í aukinni nýtingu jarðhita í mörgum löndum Evrópu til að minnka orkuframleiðslu með kolefnaeldsneyti.
Í erindi sem Guðni A. Jóhannesson, orkumálastjóri, flutti í málstofu um beina nýtingu jarðhita á loftslagsráðstefnu SÞ í París í síðustu viku, kom fram að jarðhitalausnir eru nú í mikilli sókn meðal vistvænna orkugjafa. Jarðhitinn er oft á tíðum ódýrari en til dæmis vind- eða sólarorka.

Guðni sagði í viðtali í Helgarútgáfunni á Rás 2 á sunnudaginn að nú væri því útlit fyrir að hraða megi á aukinni hlutdeild jarðhitans í Evrópu. Orkustofnun leiðir nú Evrópuverkefnið Geothermal ERA-NETsem miðar að því að treysta rannsóknir og stór samstarfsverkefni og tækifæri í nýtingu jarðhita. Íslendingar eru líka víða í samstarfi um uppbyggingu hitaveitna, t.d. í Ungverjalandi, Rúmeníu og Úkraínu.

„Nýting jarðhitans gefur gríðarlega möguleika í þessu stóra dæmi sem menn eru að fara í núna í að minnka útblástur,“ segir Guðni. Með Geothermal ERA-NET verkefninu sé jarðhitinn nú kominn inn á borð hjá Evrópusambandinu sem óski nú eftir innleggi og upplýsingum fyrir næstu orkuáætlanir. Guðni situr í evrópskri stýrinefnd um orkutækni til framtíðar og segir að hann jarðhitann í sókn og ljóst að hann komi sterkar en áður inn í þær áætlanir sem þar verða unnar á næstunni.

Tags:

Fleira áhugavert: