Vindaborg Þykkvabæ – 13 Myllur 45 MW
Skipulagsstofnun hefur fallist á tillögu Biokraft ehf. að matsáætlun fyrir vindorkuver norðan Þykkvabæjar.
Samanlagt afl vindmyllnanna, sem verða alls 13, er áætlað að verði 45 MW. Ýmsar athugasemdir eru þó gerðar við tillöguna og úr ýmsu þarf að bæta í endanlegri áætlun, að því er fram kemur í Morgunblaðinu í dag.
Góð reynsla er af virkjun vindorku í Þykkvabæ, en á vegum Biokraft voru tvær vindmyllur settar þar upp í tilraunaskyni árið 2014. Á þeirri reynslu, með öðru, verður byggt í þeim framkvæmdum sem nú eru á teikniborðinu. Mastur þeirra þrettán vindmyllna sem á að reisa verður 92,5 metrar á hæð og þvermál snúningsflatar spaða um 113 metrar. Hæsti punktur spaða í toppstöðu verður 149 metrar.