ASI+BSRB – Bygging 63 íbúða á Kirkju­sandi

Heimild:  

 

Desember 2016

Borg­ar­ráð Reykja­vík­ur samþykkt vilja­yf­ir­lýs­ingu sem trygg­ir leigu­fé­lagi ASÍ og BSRB heim­ild til að reisa 63 íbúðir á Kirkju­sandi, en á sama stað munu einnig Fé­lags­bú­staðir fjölga íbúðum sín­um. Þetta kem­ur fram í viku­leg­um pistli Dags B. Eggerts­son borg­ar­stjóra.

Í fund­ar­gerð ráðsins seg­ir að samþykkt hafi verið að skrifa und­ir vilja­yf­ir­lýs­ing­una við íbúðafé­lagið Bjarg, en það er sam­eig­in­legt fé­lag ASÍ og BSRB.

Um er að ræða yf­ir­lýs­ingu vegna út­hlut­un­ar lóða við Hall­gerðargötu í Reykja­vík, en það er ný gata sem verður á milli Sæ­braut­ar og Laug­ar­nes­veg­ar. Um er að ræða lóðir G og H í nú­gild­andi deili­skipu­lagi.

Lóðirn­ar sem um ræðir eru á milli Hall­gerðargötu og Laug­ar­nes­veg­ar, en það eru gulu hús­in lengst til hægri á mynd­inni. Mynd/​Borg­ar­vef­sjáDesember 2016

 

 

Heimild:  

Mars 2016

Alþýðusambandið og Reykjavíkurborg ætla að byggja eitt þúsund íbúðir fyrir tekjulágt launafólk á næstu fjórum árum. Borgin leggur til fríar lóðir á þremur stöðum í borginni og verkalýðshreyfingin mun sjá um rekstur húsnæðisins. Forseti Alþýðusambandsins segir brýnt að leysa úr miklum húsnæðisvanda vinnandi fólks.

Íbúðafélagið verður stofnað um leið og Alþingi hefur afgreitt frumvarp félags og húsnæðismálaráðherra um almennar íbúðir. Forseti ASÍ segir markmiðið að bjóða upp á ódýrt leiguhúsnæði fyrir tekjulágar fjölskyldur og einstaklinga.

„Viljayfirlýsingin felst í því að Alþýðusambandið sem gjöf til okkar félagsmanna ætlar að stofna íbúðafélag og fara í það að byggja íbúðir fyrir tekjulágar fjölskyldur. Viljayfirlýsingin er það að borgin ætlar að taka þátt í þessu með okkur og gefur okkur fyrirheit um að úthluta okkur lóðum fyrir eitt þúsund íbúðir á næstu fjórum árum. Það gerir okkur kleift að setja virkilegan gang í þetta og  hefja þessa uppbyggingu, segir Gylfi Arnbjörnsson forseti ASÍ.

Hann segir uppbyggingu á húsnæðismarkaði eitt brýnasta verkefni samfélagsins.

„Staðan er mjög slæm. Við erum að sjá að okkar fólk í lægsta tekjuhlutanum er að eyða upp undir helmingi tekna sinna í leigu.  Það gerist líka í rótleysi að það er ekki á vísan að róa með það. Það veldur vandræðum fyrir börnin að geta ekki verið í öruggu skjóli og þess vegna held ég að þetta sé brýnasta verkefnið að leysa úr í samfélaginu,“segir Gylfi.

Fyrstu íbúðirnar verða byggðar í Urðarbrunni, við Nauthólsveg 79 og Móaveg 2-4 í Reykjavík.

Dagur B. Eggertsson borgarstjóri í Reykjavík segist vilja dreifa ódýru húsnæði í öll hverfi í borginni. „Stóru tíðindin eru þau að nú er verkalýðshreyfingin komin á bak við þessi áform, þúsund íbúðir, sem bætast við stúdentaíbúðirnar,búseturéttaríbúðirnar og almennu félagslegu leiguíbúðirnar. Þarna erum við komin með húsnæðisáætlun sem er fjölbreytt, eins og borgin er. Það eru virkilega góð tíðindi,“ sagði Dagur.

Viljayfirlýsingin er háð fyrirvara um samþykkt laga um almennar íbúðir sem nú liggur fyrir Alþingi.

Eygló Harðardóttir félags –og húsnæðismálaráðherra segir velferðarnefnd vinna sleitulaust að frumvarpinu. „Það er unnið hörðum höndum að því að afgreiða frumvarpið um almennu íbúðirnar. Ég veit að velferðarnefnd er að funda sjö til átta klukkustundir á dag. Taka á móti umsagnaraðilum og fara yfir athugasemdir sem hafa komið fram. Þannig að ég vænti þess að þingið muni á næstunni afgreiða þetta mál. Ég er með einn og hálfan milljarð sem ég vil gjarnan fara að úthluta. Hér sjáum við risaskref fram á við þar sem verkalýðshreyfingin fer fram og lýsir því yfir að hún vilji byggja þúsund íbúðir hér á höfuðborgarsvæðinu þar sem þörfin er hvað mest.“

Fleira áhugavert: