Gagnrýnir skýrslu verkefnisstjórnar vegna 3. áfanga rammaáætlunar

eftir · október 4, 2016

Heimild:  ruv

 

Ágúst 2016

hordur

Hörður Arnarson

Forstjóri Landsvirkjunar segir að ekki sé tekið tillit til efnahagslegra- og samfélagslegra þátta í tillögum verkefnisstjórnar 3, áfanga rammaáætlunar. Skýrsla stjórnarinnar sé innlegg í málið, en verulega vanti upp á.

 Verkefnisstjórn 3. áfanga rammaáætlunar skilaði tillögum að flokkun virkjunarkosta.  Átta nýjum virkjunarkostum er þar bætt við í nýtingarflokk og fjórum landsvæðum með tíu virkjunarkostum er bætt í verndarflokk.  Hörður Arnarson, forstjóri Landsvirkjunar, segir mikilvægt að vanda vel til verka því þarna sé verið að taka mjög stórar ákvarðanir, en fram hafi komið hjá formanni verkefnisstjórnar og umhverfisráðherra að vinnan við skýrsluna hafi verið unnin í tímaþröng. Sérstaklega sé slæmt að ekki hafi tekist að skoða nægilega efnahags- og samfélagsleg áhrif. Hjá Landsvirkjun skilji menn ekki hvað liggi á og af hverju sé verið að taka svona stórar ákvarðanir og flokka svona marga kosti. Þrýstingurinn komi ekki þaðan.

urridafossvirkjun„Það hefur ekki verið gefinn nægur tími og kannski ekki nægir peningar heldur og kannski hafa þeir færst of mikið í fang. Ég held að það þurfi að taka færri kosti fyrir í einu og vanda vinnuna. Það er enginn þrýstingur að taka alla hugsanlega kosti í svona flóknu mati, þá er hættan að niðurstaðan verði eins og niðurstaðan er, að fólk er að sleppa mjög veigamiklum þáttum eins og samfélags- og efnahagsþáttum og líka að sleppa því að ræða við nærsamfélögin hver áhrifin yrðu,“ segir forstjóri Landsvirkjunar.

Hörður segir skýrsluna innlegg í málið en verulega vanti upp á. Hann veltir fyrir sér hvort ekki væri skynsamlegra að vera með stærri biðflokk í stað þess að flokka svo marga kosti í verndarflokk, þegar efnahagsáhrifin liggi ekki fyrir og sama megi segja um nýtingarflokkinn. Hann fagnar að í Þjórsá fari Holta- og Urriðafossvirkjanir í nýtingarflokk, en segir ákvörðun um að ekki megi rannsaka frekar virkjanakosti í Skagafirði og Skjálfanda geta haft veruleg áhrif á orkuöryggi, orkuskipti og þróun samfélaganna þar.

 

Tags:

Fleira áhugavert: