Íslendingar reisa fyrstu jarðhita­virkj­unina í Ung­verjalandi

Heimild:  Mannvit1   mbl

 

ungverjaland

Smella á myndir til að stækka

Fram­kvæmd­ir eru hafn­ar við fyrstu jarðhita­virkj­un Ung­verja­lands. Íslensk-kín­verska fé­lagið Orka reis­ir virkj­un­ina og kem­ur ásamt öðrum að fjár­mögn­un henn­ar, auk þess sem verk­fræðistof­an Mann­vit hann­ar mann­virkið.
Sig­urður Lár­us Hólm, fram­kvæmda­stjóri Mann­vits í Ung­verjalandi, seg­ir í sam­tali við Morg­un­blaðið að jarðhiti sé vel þekkt­ur á svæðinu og því séu mik­il tæki­færi til frek­ari þró­un­ar.
Jarðhita­vatnið nýt­ist fyr­ir gróður­hús sem á að reisa á svæðinu. Mann­vit hef­ur starf­rækt skrif­stofu í Ung­verjalandi í tæp tíu ár og hef­ur um­fang henn­ar vaxið tölu­vert, að því er fram kem­ur í um­fjöll­un um út­rás þessa í Morg­un­blaðinu í dag.

 

SzentlorincHitaveita í Szentlörinc, Ungverjalandi

Upphaflega snérist verkefnið um 3,1 MWth jarðvarmavirkjun til húshitunar í bænum Szentlörinc í suðurhluta Ungverjalands. Þróun verkefnisins hófst árið 2008 og hafði  að markmiði að skipta út eldra hitaveitukerfi sem nýtti jarðefnaeldsneyti og sá öllum húsum í bæjarfélaginu fyrir húshitun og heitu neysluvatni.
Borun fyrstu borholu var lokið í september 2009. Borholan náði niður í misgengi í kristölluðu bergi á rúmlega 1800 m dýpi.  Borun seinni holu lauk í október 2010 og náði hún niður í sama mismengi og dýpri holan, en á rúmlega 1600 metra dýpi. Ítarlegar holuprófanir voru framkvæmdar í kjölfar beggja borana með það að markmiði að kanna eiginleika borholnanna og rannsaka fyrirliggjandi jarðvarmaforða. Fyrsta borholan var nýtt sem vinnsluhola og gaf af sér alls 25 sekúndulítra af 86 gráðu heitu vatni á yfirborði. Seinni borholan var nýtt til þess að dæla vatninu aftur niður í jarðhitageyminn.

heitt vatn ungverjalandVinna við undirbúning, hönnun og útboð vegna jarðvarmastöðvarinnar hófst seint á árinu 2009. Framkvæmdir á verkstað hófust í júlí 2010 og var lokið með árangursríkum prófunum og gangsetnngu 3,1 MWth jarðvarmahitaveitu í desember 2010. Mannvit annaðist allar nauðsynlegar jarðfræði- og jarðeðlisfræðirannsóknir vegna  staðsetningar á borholunum og hönnun þeirra, auk þess að hafa  umsjón og eftirlit með borframkvæmdum. Mannvit sá ennfremur um alla hönnun hitaveitunnar og eftirlit með framkvæmdinni til loka.

Upphaflega var verkið unnið fyrir ungverska einkafyrirtækið PannErgy. Hitaveitan er sú stærsta í Ungverjalandi sem notar alfarið endurnýjanlega og umhverfisvæna orku og leysir af hólmi núverandi gashitun. Mannvit opnaði skrifstofu í Búdapest árið 2008 til að fylgja eftir verkefnum í Mið-Evrópu. Þar eru nú vel á annan tug starfsmanna. Í Ungverjalandi er hefð fyrir nýtingu jarðhita og þekking á jarðborunum er mikil í landinu vegna vatnsöflunar en þó einkum í tengslum við leit að olíu og gasi.

Fleira áhugavert: