Flughótel WOW air – fyrrverandi fasteignir bandaríska hersins

visir

flughotel

Fyrrverandi fasteignir hersins eru efst til hægri á mynd – Smella á mynd til að stækka

Félagið TF-KEF hefur fest kaup á þremur fasteignum sem áður voru í eigu bandaríska hersins á gamla varnarliðssvæðinu á Suðurnesjum. Félagið kaupir eignirnar af Kadeco, rekstrarfélagi svæðisins. Félagið TF-KEF er í eigu Títan fasteigna, systurfélags Títan fjárfestingafélags, sem er í eigu Skúla Mogensen. Þetta kemur fram í tilkynningu frá WOW Air.

Um er að ræða þrjár blokkir sem eru um það bil 6.500 fermetrar en tvær þeirra verða nýttar undir hótelrekstur. Sú þriðja verður í langtímaleigu og er nú verið að standsetja þar 24 íbúðir. Í hinum tveimur fasteignunum verður rekið nútímalegt lággjalda flughótel með um 100 herbergjum og hótelíbúðum. Fyrirhuguð opnun er í júlí á þessu ári.

wowLögð verður áhersla á gesti sem staldra stutt við í svokölluðum „stopover“ flugum eða þá sem kjósa að enda ferðalagið sitt nálægt Keflavíkurflugvelli til að ná morgunflugi næsta dag.

„Ég er mjög ánægður að vera kominn á heimaslóðir enda fæddur í Keflavík og hlakka til að hefja uppbyggingu á svæðinu. Ég er sannfærður um að Suðurnesin eigi mikið inni enda kallar stækkun flugvallarins og áframhaldandi aukning ferðamanna á mikla fjárfestingu og uppbyggingu á svæðinu sem ætti að verða öllum til góða,“ segir Skúli Mogensen, eigandi Títan fasteigna.

„Í rekstri hótelsins verður leitast eftir því að eiga gott samstarf með ferðaþjónustunnui á Suðurnesjum og kynna fyrir gestum þær perlur sem Reykjanesið hefur að geyma.“

 

Heimild: Vísir

Fleira áhugavert: