Sundlaugin á Raufarhöfn lokuð yfir veturinn
Sundlaugin á Raufarhöfn verður lokuð að vetrarlagi frá og með næsta hausti samkvæmt ákvörðun tómstunda- og æskulýðsnefndar Norðurþings. Opnunartími verður þó rýmkaður á sumrin og gert er ráð fyrir að hægt verði að komast í heitan pott í gegnum íþróttahúsið allan veturinn. Skólasund verður skipulagt þannig að það fer fram í byrjun og lok skólaárs, fyrir og eftir lokun sundlaugarinnar sem gildir frá 1. nóvember til loka mars. Sjö börn er í grunnskólanum á Raufarhöfn.
Fyrirkomulagið verður svipað og það er í sundlauginni í Lundi í Öxarfirði, þar sem lokað hefur verið á vetrum. Sundlaugin á Raufarhöfn hefur lítið verið opin almenningi til þessa, fjóra daga vikunnar í samtals tíu klukkustundir.
Heimild: RÚV
