Tæknimál tefja opnun á Hólmsheiðinni
Hólmsheiðarfangelsið verður mjög tæknivætt. mbl.is/Júlíus Sigurjónsson
Búist er við að frágangur nýs fangelsis á Hólmsheiði tefjist um nokkra mánuði. Töfin er vegna vandkvæða við uppsetningu tæknibúnaðar.
Gert var ráð fyrir því að fangelsið yrði tekið í gagnið í janúar 2016 en nú lítur út fyrir að rekstur þess hefjist í apríl 2016.
Í umfjöllun um mál þetta í Morgunblaðinu í dag segir Páll Winkel fangelsismálastjóri, að uppsetning tæknibúnaðarins sé að ýmsu leyti flókin og að huga þurfi að mörgu. Fangelsið á að verða mjög tæknivætt og húsnæðið mjög öruggt.
Heimild: Mbl
