Sjö látnir af hermannaveiki í New York

Rúv

New York City Mayor Bill de Blasio speaks to reporters during a news conference at Lincoln Hospital in the Bronx borough of New York, Tuesday, Aug. 4, 2015. Officials have traced the likely cause of the outbreak of Legionnaires' Disease to cooling

Sjö hafa látist og yfir 80 hafa veikst af hermannaveiki sem breiðst hefur út um Bronx hverfið í New York borg í Bandaríkjunum. Þetta er versta tilfelli veikinnar í borginni og með þeim verstu í Bandaríkjunum á síðustu árum að sögn Wall Street Journal.

Sjúkdómurinn veldur einkennum sem líkjast lungnabólgu og smitast ekki manna á milli heldur með loftinu. Heilbrigðisyfirvöld telja að smitin hafi borist með svokölluðum kæliturnum, loftræstitækjum sem finna má í nýrri byggingum. Hermannaveikisýklar hafa fundist í fimm slíkum turnum í suðurhluta Bronx.

Bill de Blasio

Bill de Blasio, borgarstjóri New York, sagði í gær að sett verði á lög sem kveði á um að skrásetja og yfirfara verði alla kæliturna í borginni, en engar tölur eru til um fjölda þeirra.

Faraldurinn er einn sá mesti síðasta áratuginn og vekur eftirtekt vegna þess að hann hefur áhrif á heilt hverfi en ekki aðeins eina Sjö látnir af hermannaveiki í New Yorkbyggingu, að sögn heilbrigðisyfirvalda. Þrátt fyrir að sjúkdómurinn berist með loftinu er mjög ólíklegt að heilbrigt fólk veikist af honum. Allir sem hafa látist af völdum hans í Bronx áttu við heilbrigðisvandamál að stríða áður, að sögn yfirvalda.

Það er þekkt að hermannaveiki getur borist í menn í gegnum neysluvatnspípur. Ef vatn liggur lengi óhreyft í lögnum og er undir 50°C þá geta sýklarnir komist á legg og borist í menn þegar farið er í sturtu. Vatnið tvístrast í sturtunni og sýklarnir fara úr vatni í loftið og við innöndun í menn ( heimild Vatnsiðnaður).

 

 

Heilmild: RUV

Fleira áhugavert:

Skildu eftir svar

Netfang þitt verður ekki birt. Nauðsynlegir reitir eru merktir *