Hagstæð tilboð í hönnun nýs meðferðarkjarna Landspítala

visir

landspítaliCorpus 3 átti lægsta tilboðið í fullnaðarhönnun meðferðarkjarna vegna nýbygginga við Landspítala.

Fyrirtækið bauð tæpa 1,4 milljarða króna. Það er um 51 prósent af áætluðum kostnaði sem hljóðaði upp á rúma 2,7 milljarða. Í tilkynningu frá velferðarráðuneytinu kemur fram að fjögur tilboð bárust og voru öll umtalsvert lægri en kostnaðaráætlunin. Corpus 3 hópurinn samanstendur af VSÓ verkfræðistofu, VJI verkfræðistofu, Hornsteinum arkitektum og Basalt arkitektum. Kristján Þór Júlíusson heilbrigðisráðherra segir tilboðin gefa tilefni til bjartsýni og veita framkvæmdum við nýjan Landspítala aukinn byr í seglin.

 „Meðferðarkjarninn er ein af fjórum nýbyggingum sem áformað er að reisa við Hringbraut og jafnframt sú stærsta þeirra, eða 58.500 fermetrar. Það munar því miklu í kostnaði að hönnuðir skuli færir um að taka að sér verkið fyrir rúman helming þess fjár sem áætlanir gerðu ráð fyrir,“ segir Kristján Þór í tilkynningu.

 

Þeir sem buðu í fullnaðarhönnun meðferðarkjarnans voru:

  • Verkís og TBL 1.563.430.000 kr.
  • Grænaborg 1.620.593.000 kr.
  • Corpus 3 1.399.303.400 kr.
  • Mannvit hf. 1.513.171.040 kr.

 

Heimild/mynd:  Vísir + Velferðarráðuneytið

Fleira áhugavert:

Skildu eftir svar

Netfang þitt verður ekki birt. Nauðsynlegir reitir eru merktir *